Missiyamız mebel almaq istəyənlərə, vaxtlarına maksimum qənaət
etdirərək ən uyğun mebeli tapmalarına kömək etməkdir

Faydalı məlumatlar

Əgər işçi gün ərzində nəzərdə tutulan hər bir şeyi etməyə vaxt çatdırmırsa, bu heç də həmişə o demək deyil ki, o, pis işçidir.

 

İş yerləri düzgün təşkil olunmuş kadrlar hər şeyi həll edir!

Əgər işçi gün ərzində nəzərdə tutulan hər bir şeyi etməyə vaxt çatdırmırsa, bu heç də həmişə o demək deyil ki, o, pis işçidir. Bunun səbəbi  narahat iş yeri ola bilər ki, onu çoxlu əlavə hərəkət etməyə məcbur edir.  Bəlkə sizin heç ağlınıza da gəlməyib ki, ofisi daha uğurlu şirkətlərdən miras qalmış və ya bağlanmış zavodun anbarından yığılmış mebellə doldurmaqla siz şəxsi biznesiznizə ziyan vurmuş olursunuz. Təkcə əməyin qeyri düzgün təşkili nəticəsində siz firmanın normal fəaliyyəti üçün həqiqətdə olduğundan  daha çox işçi cəlb etməli və şirkətin inkişafına xərcləyə biləcəyiniz vəsaitləri onların saxlanmasına xərcləməli olursunuz.

Zaman - puldur, sağlamlıq da

Özünüzü və öz işçilərinizi normal əmək şərtlərindən məhrum etməklə daha nəyə qənaət etməyə çalışırsınız? Ilk öncə yerinə yetirilən işin operativliyi və keyfiyyətində. Ikincisi, öz işçilərinizin sağlamlığında, belə ki, onların əmək qabiliyyətinin itirilməsi sizə baha başa oturacaq. Iş yerlərinin təşkilinin gigiyenik və sanitar normaları orta statistik insanın fiziki parametrləri ilə sıx əlaqədardır. Məsələn, son onilliklərdə cəmiyyətin aktiv əmək qabiliyyətli hissəsinin  sürətləndirilməsi müşahidə olunur bu da təbii olaraq iş masasının hündürlüyünə təsir etmişdir. Bir işçinin iş yerində yerinə yetirdiyi əməliyyatların sayı artmışdır: o, kompyuter arxasında işləyir, yazır, danışıqlar aparır – ona daha böyük iş səthi lazımdır. Insan onun rahatlığı üçün yaradılmış sistemin mərkəzinə çevrilir. Belə məhsulun istehsalçıları sabahkı günün tələbini qarşılamağa çalışır və artıq bu gün XXI əsrin ofisinə uyğun gələn mebel təklif edirlər.

Mobillik və funksionallıq

Orta iş yeri dedikdə, yazı və kompyuter masalarının, oturacaqların/stulların və aksessuarların olması nəzərdə tutulur. Lakin bu dəst konkret işçinin funksional ehtiyacı və onun iş yerinin texniki təchizatından asılı olaraq dəyişir. Ofis interyerini layihələndirən dizaynerlər əmin edirlər ki, müxtəlif fəaliyyət sahələrini təmsil edən sifarişçilərinin tələbləri bir birindən o qədər də fərqlənmir. Oparatorların, kassirlərin, mühafizəkarların və satıcıların yerləri istisna təşkil edir. Ən çətin məsələ isə böyük olmayan sahələrdə erqonomika və istifadəçi rahatlığını nəzərə alaraq bütün lazımi əşyaların düzgün yerləşdirilməsidir.

Sankt – Peterburqa xas olan yaşayış sahələrinin ofisə çevrilməsi iş yerlərinin, necə deyərlər sığırçın yuvalarına aid edilmə vacibliyini müəyyən edir. Hazırda əsas üstünlük bahalı olmayan modulyar konstruksiyalara verilir. Məsələn, Polşanın, İtaliyanın, Fransanın 40 vahid istənilən müasir istehsal seriyası kiçik məkanların layihələndirilməsində istifadə olunur. Sahəyə  qənaət edilməsi və iş yerinin rahatlıq probleminin həllinə yardım dəzgahlığa bərkidilən aksessuarlar: işıqlandırıcı cihazlar, hündürlüyü və yeri asan tənzimlənən altlıqlar və rəflər,  klaviatura üçün siyirmə panel, həmçinin divar səthinin və ya ofis arakəsmələrinin effektiv istifadəsi olacaqdır. Müasir ofis arakəsmələrinə xas olan modulyar prinsip iş yerlərinin bölgüsünə və səs izolyasiyasının artırılmasına yeni imkanlar açır. Təkcə ona əlavə edə bilərik ki, hər bir iş yeri onun istifadəçisinin fərdi xüsusiyyətlərinə uyğun olaraq təşkil olunmalıdır.

Keyfiyyət

Ofis mebelinin minimal istismar müddəti keyfiyyətindən asılı olaraq ortalama 5 il təşkil edir. Buna görə də ağıllı rəhbər üçün qiymət göstəricisi arxa plandadır. Təəssüf ki, hazırda Azərbaycanda  yetəri qədər keyfiyyətli ofis mebeli istehsalcısı yoxdur. Dünyada ofis mebeli istehsalcıları dizayna və keyfiyyətə önəm verirlər. Öz məmulatları üçün onlar müasir materiallardan və yüksək hazırlama texnologiyalarından istifadə edirlər. Yeni üzlüklü dəzgahlıqlar xüsusi möhkəmliyə malikdir ki, bu da istehsalçılara öz məmulatlarına 2-5 illik zəmanət verməyə imkan yaradır. Metal dayaq və dirəklərin yüksək hazırlanma dəqiqliyi istifadəçiyə mebeli bir neçə dəfə söküb yenidən yığımağa imkan verir. Kreslo və stulların hazırlanması zamanı müasir möhkəm və yüngül qatışıqlardan istifadə olunur. Kreslo və stullar nəinki daha yüngül və zərif, həm də daha möhkəm uzun ömürlü olur. İstifadə zamanı möhkəmlik, etibarlılıq, mobillik və rahatlıq – yeni əsrin ofisinin tələbidir. Azərbaycan istehsalcıları ofis mebeli layihələndirərkən və istehsal edərkən dünya təcrübəsindən bəhrələnməli, öz istehsalına bu təcrübələri tətbiq etməlidirlər. Bundan başqa məhsullara ən az 2 il zəmanət vermək o deməkdir ki,  adresə çatdırılan və montaj edilən məhsul bütün keyfiyyət standartlarına uyğundur.

Təhlükəsizlik

Ofis mebelinin təhlükəsizliyindən danışarkən aşağıdakıları nəzərə almaq lazımdır:

  • Məhsulun sertifikatlaşdırma mərhələsində diqqətə alınan ekoloji təhlükəsizlik, bura həmçinin yanğın təhlükəsizliyi də daxildir;
  • Əsasən mebelin hazırlanmasında nəzərə alınan erqonomik təhlükəsizlik: künclərin hamarlanması, səthin hamarlığı, qapıların və siyirmələrin düzgün açılması, həcm və möhkəmlik – qalan şeylər mebelin ofis interyerində düzgün təşkilindən asılıdır: qonşu masalar arasında məsafə, işçi səthinin düzgün seçilmiş ölçüləri, keyfiyyətli quraşdırma;
  • Sonuncu, energetik təhlükəsizliyi. Energetik təhlükəsizliyi dedikdə,  işçi masalarında məftillərin və orqtexnikanın giriş/çıxışı üçün xüsusi dəliklərin olması nəzərdə tutulur. Məftillərin gizlədilməsi estetik funksiyalardan daha çox istifadəçi təhlükəsizliyinin təmin edilməsi funksiyasını yerinə yetirir.

Gələcəyin estetikası

Hazır mebelin artıq əlamətləri var: forması, rəngi və əgər istəyirsinizsə dizaynerlərin müəyyən etdiyi milliyyəti. Ancaq müasir istehsal məhsulları vahidləşməyə meyllidirlər: ofis dizaynının milli sərhədləri silinir, ön plana funksionallıq çəkilir. O, həm mebel istehsalçılarının, həm də istehlakçıların fəlsəfəsinə çevriləndə biznesdə uğura nail olma açarı tapılacaq. Yalnız onda kadrlar həqiqətən də hər şeyi həll etmiş olacaq.